Fanya mabadiliko katika eneo lako unalolimudu (Make change within your sphere of influence)

March 3, 2015 § Leave a comment

Leo nimeenda asubuhi kwenye duka moja kubwa wenyewe mwaita supa maketi, mie mpenzi wa karanga na korosho. Kwa muda mrefu sasa nimekuwa nikienda pale kununua hizo njugu (nuts). Muda fulani uliopita niliacha baada ya kugundua ubora wa zile karanga umebadilika yaani umeshuka. Lakini basi kila wakati hupita kuona kama kuna mabadiliko chanya ya ubora wa hizo karanga. Ajabu kila ninazozikuta ni mbaya zaidi kwa maana zimeungua zaidi, uchafu mwingi na zilizooza zinaonekana wazi zaidi.

Nilipokuwa hapo leo kwa hiyo shelf nikatafakari nikaona kuwa hili jambo la kuwa naumia tu na kuondoka haifai ngoja nijaribu kuvuka kidogo msitari wa upole wangu. Mwezenu nilikuwa nimetokelezea kipamba pia na kamkia ka shingoni, si mwajua tena sie watu wa mara moja kwa mwezi! Ukiniona waweza fikiria ni miongoni mwa wale wala mboga za milioni kumi nini! hahahah!

Basi nikachukua pakiti ya karanga, nikajivalisha sura ya mamlaka kidogo (baada ya kukumbuka ule usemi mfalme sijui ni mteja ooh hapana, ‘Mteja ni mfalme) nikauliza mfanyakazi mmoja wa hapo dukani, nani mkuu wa hapa? Kanionyesha jamaa mmoja ambaye naye alikuwa kaweka kipamba chake kuonyesha kweli ni mkuu pale. Nikamfuata yapata kama mita kumi hivi kutoka kwa ile shelf, mita kumi zilinipa muda wa kupanga hoja na kuzoea mwonekano wa kimamlaka niliouvaa muda mfupi. Nilimuuliza swali moja tu, ‘Ubora wa hizi karanga unalingana na hadhi na heshima ya hili duka?’, swali lililofuata, ‘Hili duka kubwa mna mpango gani wa kusaidia wajasiriamali kuinua ubora wa bidhaa zao?’

Yule mkuu nikaona kashtuka na kupata woga hivi. Nikarekebisha kidogo uimla niliomwingia nao. Akachukua ile bidhaa tukafuatana naye kwenye ile shelf, kila akiokota pakiti tatizo ni lilelile. Ndipo aliponigeukia na kuniomba radhi sana. Na kushangaa eti kupata mteja mkweli na jasiri wa kusema kisichomfurahisha. Na akakiri kwamba ni kweli hiyo bidhaa haiendi siku hizi. Mwisho niliona wanaiondoa bidhaa yote kwa shelf, wakampigia muuzaji wa hiyo bidhaa aje kuichukua mara moja.

Nikawaambia ili kuleta nidhamu katika ubora wa bidhaa zetu hapa nchini ni vizuri wafanyabiashara wa kati wawe wanaelekeza wajasiriamali wetu kuweka na kuheshimu viwango fulani vya ubora. Hii itatusaidia kuinua ubora wa bidhaa zetu hata zionekane zinafaa kuuzwa nje pia. Kwa nini isiwezekane? Kitu kingine nikajifunza kumbe wote tungechukua hatua katika mdura wetu wa mvuto (our sphere of influence) tunaweza kuleta mabadiliko. Na ujumla wa mabadiliko madogo madogo ya sisi wanyonge yatajijenga na kuwa mabadiliko makubwa tena ya kudumu (sustainable changes). Naitoa hii stori ya kweli kwa wote wapenda mabadiliko.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

What’s this?

You are currently reading Fanya mabadiliko katika eneo lako unalolimudu (Make change within your sphere of influence) at kadulyu.

meta

%d bloggers like this: